Lajme

Ministri Krasniqi falënderoi stafin e MTI-së!

Prishtinë, 29/12/2020

Ministri i Tregtisë dhe Industrisë, Vesel Krasniqi dhe zv. sekretarja e MTI-së, Gentiana Islamaj mbajtën një takim përshëndetës me stafin e ministrisë, me rastin e përmbylljes së vitit 2020.

Ministri Krasniqi vlerësoi lart punën dhe angazhimin e stafit civil të MTI-së, që ndonëse në situatë pandemie ata nuk janë ndalur.

Sipas tij, viti 2020 ishte i suksesshëm për MTI-në pavarësisht sfidave që e përcollën.

Ai shtoi se në bazë të raporteve përmbyllëse të fund-vitit, MTI është vlerësuar ndër ministritë më efikase dhe për këtë falënderoi stafin e MTI-së për përkushtimin e tyre në përmbushjen e detyrave. 

Ministri Krasniqi i dha mirënjohje zyrtares së MTI-së, znj. Florije Lecaj si punëtorja më e dalluar e vitit 2020. 

Në fund, ministri Krasniqi i uroi stafit të MTI-së shëndet dhe mbarësi për vitin e ri 2021.