Lajme

Ministri Krasniqi me inspektoratin e tregut viziton deponitë e derivateve të naftës

Prishtinë, 24/12/2020

Ministri i Tregtisë dhe Industrisë, Vesel Krasniqi së bashku me Inspektoratin e Tregut inspektuan sot deponitë e derivateve të naftës.

Inspektimi u bë në deponinë e kompanisë “Shell Kosova”, nga ku edhe u morën mostrat për vlerësim të cilësisë së naftës.

Ministri Krasniqi u shpreh se ky inspektim po bëhet për të parë se çfarë cilësie e naftës iu ofrohet qytetarëve të Kosovës.

“Vazhdimisht jemi duke bërë vizita nëpër pompa dhe pika të derivateve dhe jemi të fokusuar që t’iu ofrojmë qytetarëve dhe konsumatorëve produkte cilësore në të gjitha fushat. Sot në këtë rast ne morëm mostra në depnoninë e derivateve “Shell Kosova” dhe të shohim se sa përkojnë me ato që deklaruan. Prandaj,  për të siguruar cilësi për konsumatorët ne kemi nxjerrë edhe Udhëzime administrative që e rregullojnë këtë treg”, deklaroi ministri Krasniqi. 

Ministei Vesel Krasniqi, në mëngjes ka pritur në një takim përfaqësuesit e Shoqatës së Naftëtarëve me të cilët ka biseduar lidhur me gjendjen e tregut të derivateve.