Ministri Krasniqi priti përfaqësuesit e AKB-së, biseduan për mundësitë lehtësuese të bizneseve në pandemi

Prishtinë, 21/12/2020

Ministri i Tregtisë dhe Industrisë, Vesel Krasniqi, priti në takim delegacionin nga Aleanca Kosovare e Biznesit (AKB), të kryesuar nga kryetari Agim Shahini.

Ministri Krasniqi theksoi se sot biseduam me përfaqësuesit e AKB-së për situatën e krijuar nga pandemia, menaxhimin e saj, si dhe vështirësitë me të cilat po përballen bizneset.

Në takim, sipas ministrit, trajtuam edhe mundësitë që orari i punës për biznese të zgjatet në mënyrë që të shmanget grumbullimi i madh i konsumatorëve në orare të caktuara.

“Shpreha vullnetin tim për t’i trajtuar shqetësimet e tyre edhe sa i përket propozimeve për faljen e ndëshkimeve dhe interesit të borxheve publike”, ka theksuar ministri Krasniqi.

Ai ka theksuar se temë tjetër e diskutimit ishte edhe plotësim/ndryshimet për disa ligje, që tashmë janë kompletuar, si: Ligji për investime strategjike, Ligji për tregti të brendshme dhe Ligji për tregti të jashtme.

•